Omuvubuka Godfrey Wamala atemera mu gy’obukulu 28 eyakwatibwa ku by’okutta eyali nakinku mu kuwandiika ennyimba n’okuziyimba Mowzey Radio enkya ya leero, bamuzizaayo mu kkomera e Kigo, okutuusa nga 19, omwezi ogujja ogwokusatu. Wamala bangi ku bannayuganda bamutegera nga Troy, omutuuze w’e Kyengera mu gombolola y’e Nsangi mu disitulikiti y’e Wakiso, yagulwako omusango gw’obutemu mu maaso […]
Omuvubuka Godfrey Wamala atemera mu gy’obukulu 28 eyakwatibwa ku by’okutta eyali nakinku mu kuwandiika ennyimba n’okuziyimba Mowzey Radio enkya ya leero, bamuzizaayo mu kkomera e Kigo, okutuusa nga 19, omwezi ogujja ogwokusatu.
Wamala bangi ku bannayuganda bamutegera nga Troy, omutuuze w’e Kyengera mu gombolola y’e Nsangi mu disitulikiti y’e Wakiso, yagulwako omusango gw’obutemu mu maaso g’omulamuzi Mary Kaitesi, kyoka enkya ya leero aleteddwa, mu kkooti ebadde ekubyeko omuli ne nnyina w’omugenzi Jane Kasubo, ab’eng’anda abako n’emikwano kyoka oludda oluwaabi, lusabye omulamuzi okuboongera obudde okomekereza okunoonyereza kwabwe.
Omulamuzi Kaitesi awuliriza okusaba kw’oludda oluwaabi era omusango ogwongezaayo okutuusa nga 19, omwezi ogujja ogwokusatu, 2018, era Troy bamuzizaayo ku Limanda.
Oludda oluwaabi nga lukulembeddwamu Julius Muhiirwe lugamba nti nga 22, Janwali, 2018, Troy yakwata Radio namukuba wansi, nafuna obuzibu ku mutwe mu bbaala ya De bar Entebbe, ekyavirako okuffa kwe.
Amangu ddala nga bakomekereza okunoonyereza, omukwate Godfrey Wamala wakusindikibwa mu kkooti enkulu ewuliriza emisango gya nagomola.
