Abatuuze ku kyalo Bukasero mu Goombolola y’e Bukatube mu Disitulikiti y’e Mbale bakyali mu ntiisa, olwa laddu, okutta n’okulumya abatuuze mu kitundu kyabwe. Abattiddwa bali 3 okuli Muniru Dembele, 41, Rashid Mutebe, 27 ne Ronald Okware 16 nga kyavudde ku namutikwa w’enkuba eyatonye akawungeezi k’olunnaku olw’eggulo, laddu ne bakubba. Abalumiziddwa era abali mu ddwaliro bali […]
Abatuuze ku kyalo Bukasero mu Goombolola y’e Bukatube mu Disitulikiti y’e Mbale bakyali mu ntiisa, olwa laddu, okutta n’okulumya abatuuze mu kitundu kyabwe.
Abattiddwa bali 3 okuli Muniru Dembele, 41, Rashid Mutebe, 27 ne Ronald Okware 16 nga kyavudde ku namutikwa w’enkuba eyatonye akawungeezi k’olunnaku olw’eggulo, laddu ne bakubba.
Abalumiziddwa era abali mu ddwaliro bali babiri (2) era kuliko Kadiri Kadabo, 17, ne Matia Mugalya, 27.
Okusinzira ku ssentebbe w’ekyalo, Moses Kato abakubiddwa laddu, babadde bakozi mu saamba y’ebikajjo mu kitundu kyabwe, era laddu yabakubidde ku ssomero lya Ohudi Annex Primary School, gye babadde baduukidde okwegama enkuba.
