Ab’oluganda bafunye obutakaanya ku ttaka, era omulenzi asse mwanyina ng’amufumise effumu n’afa olw’omusaayi omungi okumuvaamu. Omuwala Kyarikunda Claire abadde omutuuze ku kyalo Nyarushanje mu goombolola y’e Rutengo mu disitulikiti y’e Kanungu yattiddwa mu ntiisa era akutukidde mu ddwaliro erya Rugyeyo Community Hospital, gy’abadde atwaliddwa okufuna obujanjabi. Okusinzira ku batuuze, omugenzi Kyarikunda ne mwanyina Nohiri Robert […]
Ab’oluganda bafunye obutakaanya ku ttaka, era omulenzi asse mwanyina ng’amufumise effumu n’afa olw’omusaayi omungi okumuvaamu.
Omuwala Kyarikunda Claire abadde omutuuze ku kyalo Nyarushanje mu goombolola y’e Rutengo mu disitulikiti y’e Kanungu yattiddwa mu ntiisa era akutukidde mu ddwaliro erya Rugyeyo Community Hospital, gy’abadde atwaliddwa okufuna obujanjabi.
Okusinzira ku batuuze, omugenzi Kyarikunda ne mwanyina Nohiri Robert myaka 28, babadde bakayanira ekitundu ku ttaka, ng’omugenzi yasimbako obulo kyoka olwakunguddwa, Robert nasimbako ebijanjalo kuba muganda we yali yatambulamu, ekyavuddeko obutakanya, omulenzi nafumita mwanyina effumu.
Omwogezi wa Poliisi mu bitundu bye Kigezi Elly Maate, agambye nti Nohiri akwattiddwa era Poliisi etandiise okunoonyereza.
Mungeri y’emu Maate avumiridde eky’abatuuze okutwalira amateeka mu ngalo.
