Pius Ahimbisibwe abadde akulira ebyokulonda mu disitulikiti y’e Rukungiri agobeddwa wadde okulonda omubaka omukyala ow’ekitundu ekyo kusembedde. Ahimbisibwe eyakulemberamu okulonda mu 2016 asikisiddwa Umar Kiyimba. Kiyimba yayanjuddwa akulira akakiiko k’ebyokulonda mu ggwanga omulamuzi Simon Byabakama mu lukiiko olwatudde mu Riverside Inn e Rukungiri. Kinnajjukirwa nti kkooti ejjulirwamu yasazaamu obuwanguzi bwa munna NRM Komuhangi Matsiko olwa […]
Pius Ahimbisibwe abadde akulira ebyokulonda mu disitulikiti y’e Rukungiri agobeddwa wadde okulonda omubaka omukyala ow’ekitundu ekyo kusembedde.
Ahimbisibwe eyakulemberamu okulonda mu 2016 asikisiddwa Umar Kiyimba.
Kiyimba yayanjuddwa akulira akakiiko k’ebyokulonda mu ggwanga omulamuzi Simon Byabakama mu lukiiko olwatudde mu Riverside Inn e Rukungiri.
Kinnajjukirwa nti kkooti ejjulirwamu yasazaamu obuwanguzi bwa munna NRM Komuhangi Matsiko olwa Betty Muzanira owa FDC okudukira mu kkooti okuwakanya obuwanguzi bwa Matsiko mu 2016 kuba okulonda tekwatambulira ku mateeka nga kwalimu emivuyo mingi nnyo.
Mu kiseera kino era abagala ekifo ekyo kuliko Muzanira owa FDC ne Matsiko owa NRM akomyewo.
Okwewandiisa kwalangiriddwa akakiiko k’ebyokulonda nga 2 ne 3 May, kampeyini zakumala ennaku 26 okuva May 4 okutuusa May 29, balonzi balonde ku Lwokuna 31, May, 2018.
