Herbert Solomon Kaddu agambibwa okubeera n’ebigendererwa eby’okulumba omulabirizi w’e Namirembe, Wilberforce Kityo Luwalira ku lunnaku lwa paasika (1, April, 2018), aziddwayo ku Limanda mu kkomera e Luzira okutuusa nga 14, May, 2018. Omulamuzi Julius Mwesigye owa Mwanga II wali e Mmengo okusalawo okuzaayo Kaddu mu kkomera, kidiridde oludda oluwaabi nga lukulembeddwamu Roseline Kipolwa okutegeza kkooti […]
Herbert Solomon Kaddu agambibwa okubeera n’ebigendererwa eby’okulumba omulabirizi w’e Namirembe, Wilberforce Kityo Luwalira ku lunnaku lwa paasika (1, April, 2018), aziddwayo ku Limanda mu kkomera e Luzira okutuusa nga 14, May, 2018.
Omulamuzi Julius Mwesigye owa Mwanga II wali e Mmengo okusalawo okuzaayo Kaddu mu kkomera, kidiridde oludda oluwaabi nga lukulembeddwamu Roseline Kipolwa okutegeza kkooti nti bakyanoonyereza okufuna obujjulizi bwona obuyinza okulumika omuwawabirwa.
Kaddu avugga mmotoka ezitaambuza abalambuzi era mutuuze w’e Makaayi Zone e Mmengo mu ggombolola y’e Lubaga.
Ku misango 3 egyamugulwako mwemuli okutiisatiisa okutuusa obulabe ku mulabirizi Luwalira ne Rev Canon Beno Kityo, Ddiini wa Lutiko, okutataaganya abakkiriza abaali bakunganye okusinza n’emisango emirala.
