Poliisi ekyasobeddwa eka ne mu kibira ku mukozi wa Yunivaasite y’e Makerere Dr. Edward Kisuze eyakwatibwa ku by’okunywegera ebitundu by’ekyama eby’omuyizi Rachel Njoroge Njeri. Kisuze okwatibwa, kyava ku muwala Njoroge okweyambisa omukutu ogwa Social Medial n’okusingira ddala Face Book, okufulumya ebifaananyi nga Kisuze afunvubidde okunywegera ebitundu by’ekyama ng’asinzira mu offisi ye ku yunivaasite y’e Makerere. […]
Poliisi ekyasobeddwa eka ne mu kibira ku mukozi wa Yunivaasite y’e Makerere Dr. Edward Kisuze eyakwatibwa ku by’okunywegera ebitundu by’ekyama eby’omuyizi Rachel Njoroge Njeri.
Kisuze okwatibwa, kyava ku muwala Njoroge okweyambisa omukutu ogwa Social Medial n’okusingira ddala Face Book, okufulumya ebifaananyi nga Kisuze afunvubidde okunywegera ebitundu by’ekyama ng’asinzira mu offisi ye ku yunivaasite y’e Makerere.
Kigambibwa Dr Kisuze yakwatirira amabeere k’omuwala Njoroge, okunywegera mu mpataanya z’ebisambi awasalira akawale n’okusonseka engalo mu bitundu by’ekyama era yakwatibwa dda ali mu kaduukulu ka Poliisi e Wandegeya ku misango gy’okabasanya omuwala.
Wabula Poliisi egamba nti Kisuze emisango gyona yagyegaanye era takiriza nti ye musajja ali mu bisambi bya Njoroge anywegera omuwala mu bitundu by’ekyama.
Okusinzira ku mwogezi wa Poliisi mu Kampala n’emirirwano Luke Owoyesigyire, Poliisi ekwataganyeko n’abakugu okwekeneenya omusajja omutuufu eyali mu bisambi by’omuwala kuba Kisuze yabyegaanye.
