Poliisi y’e Ibanda etandiise okunoonyereza ku ssemaka akyekukumye ku by’okutta mukyala we. Henry Mugisha atemera mu myaka 64 omutuuze we Rwengwe mu ggombolola y’e Kikyenkye yanonyezebwa poliisi ku by’okutta mukyala we Rosemary Kasende atemera mu gy’obukulu 53. Okusinzira kw’aduumira Poliisi mu disitulikiti y’e Ibanda, Rodgers Chebene, Mugisha yakutte ejjambiya natematema mukyala we Kasende ku mutwe, […]
Poliisi y’e Ibanda etandiise okunoonyereza ku ssemaka akyekukumye ku by’okutta mukyala we.
Henry Mugisha atemera mu myaka 64 omutuuze we Rwengwe mu ggombolola y’e Kikyenkye yanonyezebwa poliisi ku by’okutta mukyala we Rosemary Kasende atemera mu gy’obukulu 53.
Okusinzira kw’aduumira Poliisi mu disitulikiti y’e Ibanda, Rodgers Chebene, Mugisha yakutte ejjambiya natematema mukyala we Kasende ku mutwe, obulago n’emikono ekyaviriddeko okufa kwe olw’omusaayi omungi okumuvaamu.
Alex Nuwamanya omu ku batuuze agambye nti Mugisha yatemyetemye mukazi we mu kiseera nga balirwana be, bageenze mu nimiro.
DPC Chebene agamba nti abafumbo abo baludde nga balina obutakwatagana era kigambibwa y’emu ku nsonga lwaki omusajja yasse mukyala we ng’akigenderedde.
Omulambo, guwereddwa ab’enganda okutekateeka okuziika oluvanyuma lw’abasawo ku ddwaliro lya Ruhoko Health Center IV okwekebejja omubiri gw’omugenzi nga ne Poliisi bw’egeenda mu maaso n’okunoonyereza.
