Olunnaku olw’enkya ku Lwokuna nga 10, Mayi, 2018, omukozi ku yunivaasite y’e Makerere Edward Kisuze akomezebwawo mu kkooti ya Buganda Road wansi w’omulamuzi James Ereemye okuwuliriza okunoonyereza wekutuuse ku misango egimuvunanibwa. Kisuze okwatibwa, kyava ku muwala Rachel Njoroge Njeri okweyambisa omukutu ogwa Social Medial n’okusingira ddala Face Book, okufulumya ebifaananyi nga Kisuze afunvubidde okunywegera ebitundu […]
Olunnaku olw’enkya ku Lwokuna nga 10, Mayi, 2018, omukozi ku yunivaasite y’e Makerere Edward Kisuze akomezebwawo mu kkooti ya Buganda Road wansi w’omulamuzi James Ereemye okuwuliriza okunoonyereza wekutuuse ku misango egimuvunanibwa.
Kisuze okwatibwa, kyava ku muwala Rachel Njoroge Njeri okweyambisa omukutu ogwa Social Medial n’okusingira ddala Face Book, okufulumya ebifaananyi nga Kisuze afunvubidde okunywegera ebitundu by’ekyama ng’asinzira mu offisi ye ku yunivaasite y’e Makerere.
Mu kkooti, Kisuze yagulwako emisango ebiri (2) omuli okwagala okwata n’okutyoboola ekitiibwa kya Njoroge eyali omuyizi ku yunivaasite y’e Makerere nga 13, ogwokuna, 2018 mu offiisi ye, bwe yali akimyewo ebiwandiiko bye, wadde emisango gyona yagyegaana.
Wabula, bwe yali asimbiddwa mu kkooti sabiti ewedde, ng’akulembeddwamu munnamateeka we Kenneth Munungu yasaba okweyimirirwa kyoka oludda oluwaabi nga lukulembeddwamu Viola Tusigwiirwe bakiwakanya kuba kiyinza okutataaganya okunoonyereza kwabwe, ekyawaliriza omulamuzi Ereemye okwongezaayo omusango gwo.
Olunnaku olw’enkya nga 10, Mayi, 2018, omulamuzi Ereemye agenda kuwa ensala ye kukusaba kwa Kisuze okweyimirirwa n’okuwuliriza oludda oluwaabi, webatuuse mu kunoonyereza.
Kisuze emisango gyona okugyegaana akatiriza nti ye musajja eyali mu bisambi bya Njoroge anywegera omuwala mu bitundu by’ekyama.
