Lilian Rukundo, omuyizi ku Yunivaasite ya Uganda Christian University (UCU) e Mukono eyaggulwako omusango gw’okukola n’okufulumya obutambi bw’obuseegu yetemye engalike n’eyegaana omusango gwo mu maaso g’omulamuzi Mary Babirye owa Buganda Raod enkya ya leero. Rukundo abadde akomyewo mu kkooti okusalirwa ekibonerezo okuva ku Limanda mu kkomera e Luzira gye yasindikibwa sabiti ewedde ku Mmande oluvanyuma […]
Lilian Rukundo, omuyizi ku Yunivaasite ya Uganda Christian University (UCU) e Mukono eyaggulwako omusango gw’okukola n’okufulumya obutambi bw’obuseegu yetemye engalike n’eyegaana omusango gwo mu maaso g’omulamuzi Mary Babirye owa Buganda Raod enkya ya leero.
Rukundo abadde akomyewo mu kkooti okusalirwa ekibonerezo okuva ku Limanda mu kkomera e Luzira gye yasindikibwa sabiti ewedde ku Mmande oluvanyuma lw’okukiriza omusango gwo.
Enkya ya leero, oludda oluwaabi nga lukulembeddwamu Emily Ninsiima, luwaliriziddwa okuzannya vidiyo za Rukundo mu kkooti, omulamuzi okusobola okugyesigamako okuwa Rukundo ekibonerezo ekigwanidde.
Oluvanyuma nga vidiyo ezanyiddwa, Rukundo agyegaanye nga n’emisango gye yali akiriza sabiti ewedde gyonna agyegaanye.
Omulamuzi awaliriziddwa okuddamu okusindika Rukundo ku Limanda mu kkomera e Luzira okutuusa sabiti ejja ku Mmande nga 16, July, 2018, omusango okutandiika okuwulirwa.
