Abantu basatu (3) bafiiridde mu kabenje ku luguudo lwa Rakai –Kibale mu disitulikiti y’e Rakai. Abafudde kuliko Imelda Namayanja omutuuze we Nyendo, Masaka ne Justus Mukasa. Ate omuntu owokusatu afudde tebazudde bimukwatako. Akabenje kagudde ku kyalo Kiyonza mu ggoombolola y’e Byakabanda mu disitulikiti y’e Rakai olunnaku olw’eggulo ku Lwokubiri, emmotoka ekika kya Fuso namba UAN […]
Abantu basatu (3) bafiiridde mu kabenje ku luguudo lwa Rakai –Kibale mu disitulikiti y’e Rakai.
Abafudde kuliko Imelda Namayanja omutuuze we Nyendo, Masaka ne Justus Mukasa. Ate omuntu owokusatu afudde tebazudde bimukwatako.
Akabenje kagudde ku kyalo Kiyonza mu ggoombolola y’e Byakabanda mu disitulikiti y’e Rakai olunnaku olw’eggulo ku Lwokubiri, emmotoka ekika kya Fuso namba UAN 215 P eyabadde etiise amatooke okulemerera ddereeva neeva ku luguudo neyefuula emirundi egiwerako.
Okusinzira ku mwogezi wa Poliisi mu Greater Masaka Lameck Kigozi, Poliisi ng’eyambibwako abatuuze, basobodde okuyamba ddereeva Joseph Kakooza n’abasuubuzi babiri (2) era batwaliddwa mu ddwaaliro lye Masaka okufuna obujanjabi.
Lameck era agambye nti Poliisi etandikiddewo okunoonyereza ekyavudde akabenje.
