Bangi ku bannayuganda bakyebuuza lwaki Senior Superintendent of Police (SSP) Emilian Kayima yagobeddwa ku ky’okwogerera Poliisi mu ggwanga lino. Okusinzira ku kyukakyuka ezaalangiriddwa olunnaku olw’eggulo, Kayima yasindikiddwa mu kitongole kya Poliisi n’omuntu wabuligyo mu byobufuzi ekikulemberwa AIGP Asan Kasingye. Commissioner of Police (CP) Fred Enanga abadde mu kitongole ekya Poliisi ekinoonyereza ku buzzi bw’emisango e […]
Bangi ku bannayuganda bakyebuuza lwaki Senior Superintendent of Police (SSP) Emilian Kayima yagobeddwa ku ky’okwogerera Poliisi mu ggwanga lino.
Okusinzira ku kyukakyuka ezaalangiriddwa olunnaku olw’eggulo, Kayima yasindikiddwa mu kitongole kya Poliisi n’omuntu wabuligyo mu byobufuzi ekikulemberwa AIGP Asan Kasingye.
Commissioner of Police (CP) Fred Enanga abadde mu kitongole ekya Poliisi ekinoonyereza ku buzzi bw’emisango e Kibuli, abadde akulira etambuza y’emirimu n’okutendeka, yakomezeddwawo ng’omwogezi wa Poliisi okudda mu bigere bya Kayima.
Omukyala Polly Namaye yalondeddwa okumyuka Enanga ate Patrick Onyango yasindikiddwa okwogerera Poliisi mu Kampala n’emirirwano ng’amyukibwa Luke Owoyesigyire.
Wabula bangi ku bannayuganda basigadde bebuuza lwaki Omuduumizi wa poliisi mu ggwanga Martin Okoth Ochola yagobye Kayima ate ng’abadde akoze bulungi nnyo mu kwogerera Poliisi.
Abamu ku bannayuganda abasobodde okuwayamu naffe mu bitundu bya Kampala ebyenjawulo, bawadde ensonga zabwe eziyinza okuba nga zaviriddeko Kayima okugobwa.
Bagamba nti Kayima abadde asukkiridde obulimba mu nsonga ezenjawulo era nga bangi ku bannayuganda tebakyesiga bigambo bye, ekintu ekiswaza n’obutesiga Poliisi.
Mungeri y’emu bagambye nti Kayima abadde akutte bubi nnyo ensonga z’omubaka we Kyadondo East Robert Kyagulanyi Ssentamu amanyikiddwa nga Bobi Wine ku nsonga z’ebivvulu ng’alimba nnyo, era abadde alina okuva mu kifo ekyo.
Abamu bagambye nti abakulu mu kitongole kya Poliisi babadde balina okukola enkyukakyuka okugyawo omuntu abantu gwe batwala ng’omulimba, okusobola okulongoosa ekifaananyi kya Poliisi ekibadde ekitandiise okufa.
Abalala bategezeza nti Poliisi okukola enkyukakyuka mu bakulu kyabuligyo era Kayima okukyusibwa, kibadde kisuubirwa essaawa yonna.
