Entiisa ebutikidde abatuuze ku kyalo Kamwanga mu ggombolola y’e Dolwe mu disitulikiti y’e Namayingo, omukyala abadde olubuto, bw’aliiriddwa ggonya. Alice Nanduro myaka 20 yattiddwa era okusinzira ku batuuze, yavudde awaka okugenda okukima amazzi ku nnyanja, ggonya gye yamukwatiddwa akawungeezi k’olunnaku olw’eggulo ku Ssande. Okusinzira ku ssentebbe w’ekyalo John Bosco Nyambeza, basobodde okuzuula omusaayi gw’omulambo era […]
Entiisa ebutikidde abatuuze ku kyalo Kamwanga mu ggombolola y’e Dolwe mu disitulikiti y’e Namayingo, omukyala abadde olubuto, bw’aliiriddwa ggonya.
Alice Nanduro myaka 20 yattiddwa era okusinzira ku batuuze, yavudde awaka okugenda okukima amazzi ku nnyanja, ggonya gye yamukwatiddwa akawungeezi k’olunnaku olw’eggulo ku Ssande.
Okusinzira ku ssentebbe w’ekyalo John Bosco Nyambeza, basobodde okuzuula omusaayi gw’omulambo era batandiise okunoonyereza, omulambo gye gwatwaliddwa.
Ate akulira Poliisi y’e Dolwe, Alfred Olila agambye nti Poliisi nga bayambibwako abatuuze, bagenda kunoonyereza omulambo gye gwatwaliddwa ggonya, basobole okuguggyayo.
