Entiisa ebutikidde abatuuze be Kyakayanja mu ggoombolola y’e Kiganda mu disitulikiti y’e Kassanda, ssemaka bw’akirizza okutta omuwala we, namweziikira. Noeri Manasseh myaka 33 yakwattiddwa Poliisi ku by’okutta muwala we Prosscovia Tuyisenge. Okusinzira ku Poliisi, Manasseh abadde yakwatibwa sabiti namba emabega ku bya muwala we okubuzibwawo nga yaguddwako omusango gy’ogezaako okutta omuntu kyokka omu ku batuuze […]
Entiisa ebutikidde abatuuze be Kyakayanja mu ggoombolola y’e Kiganda mu disitulikiti y’e Kassanda, ssemaka bw’akirizza okutta omuwala we, namweziikira.
Noeri Manasseh myaka 33 yakwattiddwa Poliisi ku by’okutta muwala we Prosscovia Tuyisenge.
Okusinzira ku Poliisi, Manasseh abadde yakwatibwa sabiti namba emabega ku bya muwala we okubuzibwawo nga yaguddwako omusango gy’ogezaako okutta omuntu kyokka omu ku batuuze ku kyalo Emmanuel Ssentamu, yawadde Poliisi obujjulizi nti ssemaka Manasseh, abadde yewera, okusaddaka muwala we.
Omwogezi wa Poliisi mu bitundu bya Wamala, Norbert Ochom agamba nti ssemaka Manasseh oluvanyuma akirizza okutta muwala we namweziikira mu polooti empya, gy’abadde yakagula.
Ochom agamba nti baddukidde mu kkooti, okubakiriza okuziikula omufu, ssemaka Manasseh okumwongerayo mu maaso g’omulamuzi n’okubategeeza lwaki yenyigidde mu kutta muwala we.
