Omusirikale Amos Muhebwa awadde ensonga lwaki yakubye omuyimbi Gravity Omutujju amasasi olunnaku olw’eggulo ku Lwokusatu ku LK Petrol Station e Bukuya mu disitulikiti y’e Kassanda. Gravity yabadde alina ekivvulu mu katawuni k’e Lwebitute kwekukyama ku LK Petrol Station okunywa amafuta n’okulinda mikwano gye, okumwongerayo mu kifo, awabadde ekivvulu. Omusirikale Amos Muhebwa weyakubidde Gravity Omutujju amasasi […]
Omusirikale Amos Muhebwa awadde ensonga lwaki yakubye omuyimbi Gravity Omutujju amasasi olunnaku olw’eggulo ku Lwokusatu ku LK Petrol Station e Bukuya mu disitulikiti y’e Kassanda.
Gravity yabadde alina ekivvulu mu katawuni k’e Lwebitute kwekukyama ku LK Petrol Station okunywa amafuta n’okulinda mikwano gye, okumwongerayo mu kifo, awabadde ekivvulu.
Omusirikale Amos Muhebwa weyakubidde Gravity Omutujju amasasi abbiri (2), erimu lyakutte mu kabutobuto, natwalibwa mu kiliniki ya Blue Star Clinic e Bukuya okufuna obujanjabi obusokerwako gye yagiddwa n’atwalibwa mu ddwaaliro e Rubaga.
Okusinzira ku mwogezi wa Poliisi mu ggwanga Afande Fred Enanga, omusirikale Muhebwa yakwattiddwa olunnaku olw’eggulo.
Omusirikale Muhebwa bw’abadde awa sitetimenti ye ku CPS e Kasanda agambye nti Gravity Omutujju ne banne bakoze effujjo ku LK Petrol Station n’okwagala okumugyako emmundu era mu ngeri y’okutaasa okulwanyisa kye, kwekukuba amasasi.
Wabula Enanga agambye nti wadde Muhebwa awadde sitetimenti, Poliisi erina okunoonyereza omuli n’okwebuuza ku muyimbi Gravity.
Eddoboozi lya Enanga
