Poliisi etandiise okunoonyereza ekyavuddeko omuyimbi Gereson Wabuyi amanyikiddwa nga Gravity Omutujju okukubwa amasasi olunnaku olw’eggulo ku Lwokusatu ku ssaawa 3 n’eddakika 45 ez’ekiro. Okusinzira ku mwogezi wa Poliisi mu ggwanga Afande Fred Enanga, Gravity Omutujju yakubiddwa amasasi ku LK Petrol Station e Bukuya mu disitulikiti y’e Kassanda. Enanga agamba nti Gravity yabadde alina ekivvulu mu […]
Poliisi etandiise okunoonyereza ekyavuddeko omuyimbi Gereson Wabuyi amanyikiddwa nga Gravity Omutujju okukubwa amasasi olunnaku olw’eggulo ku Lwokusatu ku ssaawa 3 n’eddakika 45 ez’ekiro.
Okusinzira ku mwogezi wa Poliisi mu ggwanga Afande Fred Enanga, Gravity Omutujju yakubiddwa amasasi ku LK Petrol Station e Bukuya mu disitulikiti y’e Kassanda.
Enanga agamba nti Gravity yabadde alina ekivvulu mu katawuni k’e Lwebitute kwekukyama ku LK Petrol Station okunywa amafuta n’okulinda mikwano gye, okumwongerayo mu kifo, awabadde ekivvulu.
Poliisi egamba omusirikale Amos Muhebwa weyakubidde Gravity Omutujju amasasi abbiri (2), erimu lyakutte mu kabutobuto, natwalibwa mu kiliniki ya Blue Star Clinic e Bukuya okufuna obujanjabi obusokerwako gye yagiddwa n’atwalibwa okutwalibwa mu ddwaaliro e Rubaga.
Enanga era agambye nti omusirikale Muhebwa yakwattiddwa akawungeezi k’olunnaku olw’eggulo ne banne babiri (2) ku misango gy’okugezaako okutta omuntu era bonna bakuumibwa ku CPS e Kasanda.
Omusirikale era agiddwako emmundu, ekuumibwa ku Poliisi e Kasanda.
Enanga agamba nti Omusirikale Muhebwa bw’abadde agibwako sitetimenti agambye nti Gravity Omutujju yabadde agezaako okumugyako emmundu kyokka Poliisi etandiise okunoonyereza.
Omusirikale Muhebwa akola mu kitongole ky’obwananyini ekya 1980 Kabalega War Veteran’s Association Security Group yakwattiddwa ne banne.
Eddoboozi Lya Fred Enanga
