Poliisi y’e Kabale ekutte abantu 7 ku by’okugyemera ebiragiro by’omukulembeze w’eggwanga Yoweri Kaguta Museveni ne minisitule y’ebyobulamu eby’okutangira kolona okusasaana. Abakwate kuliko Mubangizi Godet, Tugume Eriabu, Twinemucunguzi Michael, Atubasise Godfrey, Akanyizuka Nelson, Ashaba Benjamin ne Nsobirwe Moses. Okusinzira ku mwogezi wa Poliisi mu bitundu bye Kigezi Elly Maate, abakwattiddwa basaangiddwa nga batambula mu ssaawa za […]
Poliisi y’e Kabale ekutte abantu 7 ku by’okugyemera ebiragiro by’omukulembeze w’eggwanga Yoweri Kaguta Museveni ne minisitule y’ebyobulamu eby’okutangira kolona okusasaana.
Abakwate kuliko Mubangizi Godet, Tugume Eriabu, Twinemucunguzi Michael, Atubasise Godfrey, Akanyizuka Nelson, Ashaba Benjamin ne Nsobirwe Moses.
Okusinzira ku mwogezi wa Poliisi mu bitundu bye Kigezi Elly Maate, abakwattiddwa basaangiddwa nga batambula mu ssaawa za Kafyu mu butawuni okuli Kyobugombe, Kaharo, Ngumbura ne Nyakigugwe mu ggombolola y’e Kaharo mu disitulikiti y’e Kabale.
Maate agamba nti abakwattiddwa baakutwalibwa mu kkooti ku misango gy’okugyemera ebiragiro, ekiyinza okutambuza obulwadde bwa Kolona.
