Omusirikale mu kitongole ky’obwannanyini ekikuumi atemeddwako olugalo bw’abadde alemesa ababbi okunyaga mu Kampala, mu kiro ekikeseza olwaleero. Ababbi nga bonna basajja, nga bakutte emmundu ekika kya AK47 ssaako n’ebiso, balumbye Kiliniki ya bbanka of Uganda ku William Street mu Kampala ku kizimbe kya Equatorial Building wabula omukuumi abadde alawuna ekifo ategerekeseeko erya Mugambagye, akubye enduulu […]
Omusirikale mu kitongole ky’obwannanyini ekikuumi atemeddwako olugalo bw’abadde alemesa ababbi okunyaga mu Kampala, mu kiro ekikeseza olwaleero.
Ababbi nga bonna basajja, nga bakutte emmundu ekika kya AK47 ssaako n’ebiso, balumbye Kiliniki ya bbanka of Uganda ku William Street mu Kampala ku kizimbe kya Equatorial Building wabula omukuumi abadde alawuna ekifo ategerekeseeko erya Mugambagye, akubye enduulu okubalemesa okumenya.
Okusinzira kw’amyuka omwogezi wa Poliisi mu Kampala n’emirirwano Luke Owoyesigyire, ababbi balumbye omukuumi wakati ng’akuba enduulu ne bamutema olugalo era Poliisi weyatuukidde ng’ali maziga, omusaayi gutonya nga n’ababbi badduse oluvanyuma lw’okubalemesa okubba.
Owoyesigyire agamba nti abasirikale baakubye amasasi mu bbanga okusindikiriza ababbi n’okukwattibwa wabula bonna baasobodde okudduka.
Omukuumi eyatemeddwako olugalo, awereddwa ekitanda ku Case Clinic mu Kampala okufuna obujanjabi nga ne Poliisi bwenoonyereza ababbi abaliira ku nsiko mu kiseera kino.
Eddoboozi lya Luke
