Poliisi eri mu kunoonyereza ku musajja eyakwattiddwa ku misango gy’okubba emmotoka mu bitundu by’eggwanga eby’enjawulo. Felix Mwebesa nga mutuuze we Kitende B ne Kawoto A mu disitulikiti y’e Wakiso, yakwattiddwa ku by’okubba emmotoka era mu kiseera kino, ali ku Poliisi y’e Kajjansi. Mwebesa okukwattibwa, kidiridde okubba emmotoka ne bamukwata mu Tawuni Kanso y’e Kajjansi. Oluvanyuma, […]
Poliisi eri mu kunoonyereza ku musajja eyakwattiddwa ku misango gy’okubba emmotoka mu bitundu by’eggwanga eby’enjawulo.
Felix Mwebesa nga mutuuze we Kitende B ne Kawoto A mu disitulikiti y’e Wakiso, yakwattiddwa ku by’okubba emmotoka era mu kiseera kino, ali ku Poliisi y’e Kajjansi.
Mwebesa okukwattibwa, kidiridde okubba emmotoka ne bamukwata mu Tawuni Kanso y’e Kajjansi.
Oluvanyuma, Poliisi yamukulembeddemu okubatwala makaage, gye yazuulidde ‘number plates’ 11 ekiraga nti emmotoka zonna zabibwa.
Ku nnamba ezo, kuliko UAN 852B, UBF 211J, UBF 603Q, UBA 625O, UAV 585U, UAR 379X, UBA 984K, UBC 577D, UAK 401H, UAU 223L ne UAU 767J.
Poliisi egamba nti ekiteeberezebwa nti emmotoka bazitema sipeeya era okunoonyereza kutandiise kuba kigambibwa Mwebesa alina akabinja k’ababbi we bakolagana okutigomya abantu.
