Kkooti enkulu mu Kampala erangiridde nga 26, August, 2020, okutandiika okuwuliriza omusango omubaka wa Monicipaali y’e Mityana Francis Zaake mwavunaanira abasirikale ab’enjawulo emisango gy’okumutulugunya. Mu kkooti, Zaake yatwalayo abasirikale okuli akulembera ekitongole kya CMI Abel Kandiiho, addumira Poliisi y’e Mityana Alex Mwiine, akulira ekitongole kya Poliisi ekikola ku misango egy’amaanyi ekya Special Investigations Unit (SIU) […]
Kkooti enkulu mu Kampala erangiridde nga 26, August, 2020, okutandiika okuwuliriza omusango omubaka wa Monicipaali y’e Mityana Francis Zaake mwavunaanira abasirikale ab’enjawulo emisango gy’okumutulugunya.
Mu kkooti, Zaake yatwalayo abasirikale okuli akulembera ekitongole kya CMI Abel Kandiiho, addumira Poliisi y’e Mityana Alex Mwiine, akulira ekitongole kya Poliisi ekikola ku misango egy’amaanyi ekya Special Investigations Unit (SIU) Elly Womanya.
Abalala abasirikale kuliko Twesigye Hamdani, Musa Walugembe ne Haruna Mulungi Nsamba.
Mu kkooti, Zaake agamba nti nga 19, Ogwokuna, 2020 abasirikale bamukwata okuva makaage mu disitulikiti y’e Mityana nga bamulanga okugyemera omukulembeze w’eggwanga Yoweri Kaguta Museveni ne yenyigira mu kuwa abantu emmere mu biseera bino eby’okulwanyisa Covid-19, ekintu ekiyinza okutambuza obulwadde.
Agamba, addumira Poliisi y’e Mityana DPC Mwiine ne Wamala Bob Kagarura bebaduumira abasirikale abamukwata.
Oluvanyuma lw’okukwatibwa, Zaake agamba nti yatulugunyizibwa nga n’okumutwala mu kkooti, bamutwala ali mu mbeera.
Ng’ayita mu bannamateeka be aba Kiiza & Mugisha Advocates, ayagala abasirikale abaamutulugunya bakangavulwe n’okusasulwa ssente zonna zeyasasaanya mu kufuna obujanjabi.
