105SharesNga bannayuganda bali mu keetalo, okulonda abakulembeze baabwe mu kulonda okubindabinda okwa 2021, nate abegwanyisa eky’obwa Loodi Meeya bwa Kampala beyongedde obungi. Mu kiseera kino bali 4, abaakavaayo okuvuganya omuloodi ssalongo Erias Lukwago. Banno kuliko munnakibiina kya Democratic Party (DP), Joseph Mayanja amanyikiddwa Dr. Jose Chameleone, eyaliko meeya w’ekibuga Kampala Al Hajji Nasser Ntege Sebaggala […]
Nga bannayuganda bali mu keetalo, okulonda abakulembeze baabwe mu kulonda okubindabinda okwa 2021, nate abegwanyisa eky’obwa Loodi Meeya bwa Kampala beyongedde obungi.
Mu kiseera kino bali 4, abaakavaayo okuvuganya omuloodi ssalongo Erias Lukwago.
Banno kuliko munnakibiina kya Democratic Party (DP), Joseph Mayanja amanyikiddwa Dr. Jose Chameleone, eyaliko meeya w’ekibuga Kampala Al Hajji Nasser Ntege Sebaggala nga ye ne Chameleone bagidde mu kisinde kya People Power.
Abalala kuliko omubaka omukyala owa Kampala eyamiddwa Kaadi ya FDC ku kifo ky’obwa Loodi Meeya Nabirah Naggayi Ssempala ssaako n’omukyala omulala akedde okulangirira Beatrice Kayanja.
Chameleone agamba nti ye ssaawa okuleeta enkyukakyuka mu Kampala, ate Sebaggala ku myaka 72, agamba nti Omuloodi Ssalongo Erias Lukwago asukkiridde okwenyigira mu ntalo, ekimulemesezza okutambuza emirimu ekimuggye mu kuwumula okuddamu okwesimbawo.
Ate omukyala Beatrice agamba nti ye ssaawa n’abakyala okukwata enkasi, okulembera Kampala mu kiseera kino bannaKampala betaaga obuwereza obulungi wabula Lukwago ali mu kamooli okulinda bonna abesuunga okutwala entebe ye mu 2021.
