Ssentebbe wa National Resistance Movement (NRM) e Lubaga era omuyima wa Bodaboda 2010, Abdullah Kitatta enkya ya leero aletebwa mu kkooti y’amaggye, enkulu e Makindye ku misango egimuvunanibwa. Kitatta avunanibwa ne banne 12 okuli Sowali Ngobi, Amon Twinomujuni, Joel Kibirige, Matia Ssenfuka, Hassan Ssebata, John Kayondo, Hassan Ssengooba, Sunday Ssemogerere, John Ssebandeke, Hussein Mugema, Fred […]
Ssentebbe wa National Resistance Movement (NRM) e Lubaga era omuyima wa Bodaboda 2010, Abdullah Kitatta enkya ya leero aletebwa mu kkooti y’amaggye, enkulu e Makindye ku misango egimuvunanibwa.
Kitatta avunanibwa ne banne 12 okuli Sowali Ngobi, Amon Twinomujuni, Joel Kibirige, Matia Ssenfuka, Hassan Ssebata, John Kayondo, Hassan Ssengooba, Sunday Ssemogerere, John Ssebandeke, Hussein Mugema, Fred Bwanika ne Ibrahim Ssekajja okusangibwa n’ebyokulwanyisa by’amaggye omuli ebyambalo by’amaggye, emmundu, amasasi, Pisito n’ebintu ebirala.
Kitatta ne banne, webali basimbiddwa mu kkooti eyo, ng’ekulembeddwamu ssentebbe waayo Lt. Gen. Andrew Gutti bagulwako emisango 6 okuli okusangibwa n’ebintu by’amaggye, okusangibwa ne sitoowa y’ebintu ebyokulwanyisa n’emisango emirala kyoka emisango gyona bagyegaana.
Mungeri y’emu bawakanya ekya kkooti y’amaggye okubawozesa ate ng’abbo bantu babuligyo.
Enkya ya leero, kkooti y’amaggye egenda kuwa oludda oluwawabirwa obudde okwewozaako n’okutangaza nga bayitira mu munnamateeka wabwe Jose Kiryowa lwaki bawakanya okuwozesebwa mu kkooti ey’ekinamagye.
