Abakulira ebyenjigiriza mu disitulikiti y’e Nakaseke balagidde amassomero agasuuka 44 ag’obwananyini okugalwa. Agamu ku massomero kuliko Bright Morning Star Primary School, Sacred Heart Primary School, Magoma Church of Uganda Nursery School, Faith Nursery School-Lumpewe, Grace and Goodness Nursery School, Covenant Primary School-Bamusuuta, Hidden Treasure Primary School, Mifunya Primary School, Kyamutakasa Primary School, Standard Christian High […]
Abakulira ebyenjigiriza mu disitulikiti y’e Nakaseke balagidde amassomero agasuuka 44 ag’obwananyini okugalwa.
Agamu ku massomero kuliko Bright Morning Star Primary School, Sacred Heart Primary School, Magoma Church of Uganda Nursery School, Faith Nursery School-Lumpewe, Grace and Goodness Nursery School, Covenant Primary School-Bamusuuta, Hidden Treasure Primary School, Mifunya Primary School, Kyamutakasa Primary School, Standard Christian High school Kiwoko, Semuto High School n’amalala.
Agamu ku massomero gasangiddwa nga tegalina kabuyonjo, abassomesa abatendeke, ebizimbe bikadde nnyo, tegalina Layisinsi n’ebintu ebirala.
Okusinzira ku ssentebbe wa disitulikiti y’e Nakaseke Ignatius Koomu, amassomero agamu galina abassomesa nga tebalina baluwa yonna era abamu bakoma mu P7 ne S2.
Ate atwala ebyenjigiriza era ku disitulikiti y’e Nakaseke Stephen Batanudde agambye nti okugala amassomero kigendereddwamu okutumbula ebyenjigiriza mu kitundu kyabwe n’okulwanyisa abantu abakyamu aberimbika mu byenjigiriza.
