Bya Kyeyune Steven Mirembe Kyaddaki Ssentebbe w’ekibiina kya NRM era omukulembeze w’eggwanga lino Yoweri Kaguta Museveni awadde ezimu ku nsonga lwaki yakoze enkyukakyuka mu bitongole ebikuuma ddembe. Mukulu Museveni yakoze enkyukakyuka ez’omugundo nagoba, abadde aduumira Poliisi mu ggwanga lino Gen Kale Kayihura n’abadde Minisita w’obutebenkevu Lt Gen Henry Tumukunde era bonna balindiridde okuwaayo ofiisi. Mu […]
Bya Kyeyune Steven Mirembe
Kyaddaki Ssentebbe w’ekibiina kya NRM era omukulembeze w’eggwanga lino Yoweri Kaguta Museveni awadde ezimu ku nsonga lwaki yakoze enkyukakyuka mu bitongole ebikuuma ddembe.
Mukulu Museveni yakoze enkyukakyuka ez’omugundo nagoba, abadde aduumira Poliisi mu ggwanga lino Gen Kale Kayihura n’abadde Minisita w’obutebenkevu Lt Gen Henry Tumukunde era bonna balindiridde okuwaayo ofiisi.
Mu kyukakyuka ezakoleddwa, Gen. Elly Tumwine alondeddwa okudda mu bigere bya Tumukunde nga Minisita w’obutebenkevu mu ggwanga lino ate Okoth Ochola alondeddwa nga omuduumizi wa Poliisi okudda mu bigere bya Gen Kayihura.
Mungeri y’emu, munnamagye Brig. Muzeei Sabitti alondeddwa okumyuka Okoth Ochola ku ky’okudumira Poliisi mu ggwanga.
Wabula Pulezidenti Museveni asobodde okweyambisa omukutu ogwa Face Book okuwa ezimu ku nsonga lwaki yakoze enkyukakyuka.
Museveni asobodde okweyambisa omukutu ogwa “Twitter” era agambye nti Poliisi ebadde erimu abantu abakyamu, abasibe okutandiika okuduuka mu kkooti nga bwe kyabadde e Masaka abasibe 2 okuduuka nga bali bakwatibwa ku by’okutta abantu e Masaka, abantu okutibwa nga byona biviriddeko abbula ly’emirimu olw’abantu okutya okutambuza emirimu gyabwe.
