Poliisi mu Kampala ekutte abavubuka babiri (2) ababadde beyambisa eggirita okusala ensawo z’abakyala ne batwala ebintu ebyenjawulo. Abakwattiddwa kuliko Joseph Mukasa Kalyango abadde amanyikiddwa nga Begirt ne Paul Serugo nga bakwattiddwa olunnaku olw’eggulo ku Lwomukaaga oluvanyuma lwa basuubuzi n’abatuuze okutemya ku Poliisi. Okusinzira ku Ivan Nduhura akulira ebikwekweeto mu poliisi mu Kampala, Mukasa ne banne […]
Poliisi mu Kampala ekutte abavubuka babiri (2) ababadde beyambisa eggirita okusala ensawo z’abakyala ne batwala ebintu ebyenjawulo.
Abakwattiddwa kuliko Joseph Mukasa Kalyango abadde amanyikiddwa nga Begirt ne Paul Serugo nga bakwattiddwa olunnaku olw’eggulo ku Lwomukaaga oluvanyuma lwa basuubuzi n’abatuuze okutemya ku Poliisi.
Okusinzira ku Ivan Nduhura akulira ebikwekweeto mu poliisi mu Kampala, Mukasa ne banne babadde basukkiridde okudda ku nguudo ne basooberera abakyala okusala ensawo zabwe basobole okutwala ebintu ebyenjawulo.
Mungeri y’emu agambye nti wadde Mukasa ne munne bakwattiddwa, basobodde okuteeka abasirikale babwe abali mu ngoye za buligyo ku nguudo z’omu Kampala basobole okulwanyisa abantu abakyamu abasala ensawo z’abakyala n’ebikolwa byona ebikyamu.
Abakwatte mu kiseera kino bali mu kaduukulu ka Poliisi ku CPS.
Wabula Mukasa agambye nti yatandika okubba oluvanyuma lwa bakulu mu kitongole kya Kampala Capital City Authority (KCCA) okutwala ebintu bye kuba yali omu kwabo abasuubuzi abali batundira ku nguudo z’omu Kampala.
