Omusomesa ate nga y’omu ku bakulu ku bakwasaganya emirimu ku yunivaasite y’e Makerere Edward Kisuze ayimiriziddwa ku mulimu ebbanga eritali ggere nga kivudde ku maddu galina ku nsonga z’omukwano eri abayizi ku yunivasaate. Kisuze okuyimirizibwa kidiridde omuyizi Racheal Njeri Njeroge okutegeza abakulu, nti bamukozeeko ebikolwa eby’ensonyi nga basinzira mu woofisi. Okusinzira ku sitatimenti ku Poliisi […]
Omusomesa ate nga y’omu ku bakulu ku bakwasaganya emirimu ku yunivaasite y’e Makerere Edward Kisuze ayimiriziddwa ku mulimu ebbanga eritali ggere nga kivudde ku maddu galina ku nsonga z’omukwano eri abayizi ku yunivasaate.
Kisuze okuyimirizibwa kidiridde omuyizi Racheal Njeri Njeroge okutegeza abakulu, nti bamukozeeko ebikolwa eby’ensonyi nga basinzira mu woofisi.
Okusinzira ku sitatimenti ku Poliisi esangibwa ku yunivaasite, nga 13,April, 2018, Njeroge yakakiddwa Kisuze ng’ali mu woofisi ye ku kizimbe kya Senate, namukwata mu mabeere, okunywegera ebisambi bye n’okusonseka engalo ze mu bitundu bye kyama.
Okusinzira ku Prof. William Bazeyo akola ng’amyuka Chansala ku yunivaasite y’e Makerere, balagidde Kisuze okuddako ebbali kisobozese abali mu kumunoonyerezaako okukola emirimu gyabwe obulungi era alagidde okuwaayo ebintu bya yunivaasite byona.
Mungeri y’emu alagiddwa obutaddamu wadde kwesembereza muyizi yenna okutuusa nga bakomekereza okunoonyereza.
Kigambibwa Njoro munnansi w’eggwanga erya Kenya era yafuna ebbaluwa ye (Diguli) omwaka gunno ogwa 2018 mu Janwali.
Kinnajjukirwa, omwezi oguwedde ogw’okusatu, yunivaasite yayimiriza Dr Swizen Kyomuhendo ku bigambibwa nti naye yali asukkiridde okugaanza abayizi ng’abasuubiza okubawa makisi ez’obwereere basobole okuyita ebigezo.
