Jackson Amali, okukulira okunoonyereza ku buzzi bw’emisango ku Poliisi ya Yunivaasite y’e Makerere akwattiddwa. Amali yakwattiddwa ku biragiro bya dayirekita wa bambega ba poliisi Grace Akullo kubigambibwa nti yalemwa okuyamba omuyizi Rachel Njoroge Njeri ku by’omukozi ku yunivaasite y’e Makerere Denis Kisuze eyamukolako eby’ensonyi. Njeri yaduukira ku Poliisi y’e Makerere nga 14, April, 2018 okuyambibwa […]
Jackson Amali, okukulira okunoonyereza ku buzzi bw’emisango ku Poliisi ya Yunivaasite y’e Makerere akwattiddwa.
Amali yakwattiddwa ku biragiro bya dayirekita wa bambega ba poliisi Grace Akullo kubigambibwa nti yalemwa okuyamba omuyizi Rachel Njoroge Njeri ku by’omukozi ku yunivaasite y’e Makerere Denis Kisuze eyamukolako eby’ensonyi.
Njeri yaduukira ku Poliisi y’e Makerere nga 14, April, 2018 okuyambibwa olwa Kisuze, okusinzira mu offiisi ye ku kizimbe kya Senate, namukwata mu mabeere, okunywegera ebisambi bye n’okusonseka engalo ze mu bitundu bye kyama bwe yali agenze mu offisi ye, okufuna ebiwandiiko bye.
Njeri agamba nti wadde yaduukira ku Poliisi, omusirikale Amali talina kyeyakola wadde okumugyako sitetimenti wadde okumuwa ekiwandiiko kyona okuddukira mu basawo okumwekebejja.
Olw’obusungu, Njeri yasalawo okweyambisa omukutu ogwa Social Media n’okusingira ddala Face Book okwanika Kisuze eyali afunvubidde okumunywegera ebitundu by’ekyama.
Wabula nga 19, April, 2018 abasirikale okuva ku Poliisi y’e Wandegeya balumba yunivaasite y’e Makerere omukozi Kisuze nakwatibwa ate n’omusirikale Amali naye yakwatiddwa.
Ku nsonga eyo, omwogezi wa Poliisi mu Kampala n’emirirwano Luke Owoyesigyire akakasiza okwatibwa kw’omusirikale wabwe era agambye nti essaawa yonna wakutwalibwa mu kakiiko ka Poliisi akakwasisa empisa.
Owoyesigyire era agambye nti n’okunoonyereza ku musirikale waabwe kukyagenda mu maaso.
