Abayizi ku yunivaasite y’e Makerere batandiise okutema empenda mu ngeri gye bayinza okulwanyisamu abassomesa, abegumbulidde okuganza abayizi nga basuubiza okubawa makisi ez’obwereere. Abamu ku bayizi bagamba nti Yunivaasite yabwe, abazadde bayongedde okugyekokkola ekiyinza okubalemesa okufuna emirimu singa bakomekereza emisomo gyabwe olw’enziro esigiddwa yunivaasite. Okusinzira ku Phiona Kokoi, amyuka akulembera abayizi (Vice Guild President), yunivaasite eteekeddwa […]
Abayizi ku yunivaasite y’e Makerere batandiise okutema empenda mu ngeri gye bayinza okulwanyisamu abassomesa, abegumbulidde okuganza abayizi nga basuubiza okubawa makisi ez’obwereere.
Abamu ku bayizi bagamba nti Yunivaasite yabwe, abazadde bayongedde okugyekokkola ekiyinza okubalemesa okufuna emirimu singa bakomekereza emisomo gyabwe olw’enziro esigiddwa yunivaasite.
Okusinzira ku Phiona Kokoi, amyuka akulembera abayizi (Vice Guild President), yunivaasite eteekeddwa okuteeka Kamera mu offiisi z’abassomesa okulemesa abakozi abegumbulidde okugaanza abayizi nga basinzira mu offiisi zabwe.
Mungeri y’emu agambye nti n’abayizi balina okutambula n’amassimu gaabwe ng’abagenda mu offiisi yonna kuba kyakuyambako abassomesa okutya okubaganza olwa muyizi munaabwe Rachel Njoroge Njeri okweyambisa essimu ye okuswaza omukozi Denis Kisuze eyali afunvubidde okunywegera ebitundu by’ekyama.
Ate Mercy Ashaba omuyizi asoma eby’ennimi, agambye nti abakulira yunivasite balina okussomesa abayizi gye bayinza okudukira singa, omussomesa yenna agezaako okumukabasanya.
Ate Florence Namuganza eyali yesimbyewo kubwa Guild president era asoma by’amawulire agambye nti kigenda kuba kizibu nnyo okulwanyisa ekikolwa ekyo, kuba abamu ku abayizi banafu nnyo nga tebagala kusoma ne basalawo okweyambisa emibiri gyabwe okusabalaza abassomesa basobole okubaganza okufuna makisi ez’obwereere.
Mu kiseera kino bangi ku bannayuganda bagamba nti yunivaasite y’e Makerere eyongedde okuswaza eggwanga lino kuba abassomesa okugaanza abayizi kweyongera buli mwaka.
