Poliisi ekutte omusirikale waayo ku bigambibwa nti yenyigidde mu kubba ente n’embuzzi. Okusirikale akwattiddwa ali ku ddaala lya constable ate Dereeva ku Poliisi y’e Buliisa. Okusinzira ku Poliisi, omusirikale waabwe yekobaanye n’abatuuze babiri (2) okubba ente biri (2) n’embuzzi emu (1) ku kyalo Kibambura mu disitulikiti y’e Buliisa nga beyambisa emmotoka ya Poliisi namba UP […]
Poliisi ekutte omusirikale waayo ku bigambibwa nti yenyigidde mu kubba ente n’embuzzi.
Okusirikale akwattiddwa ali ku ddaala lya constable ate Dereeva ku Poliisi y’e Buliisa.
Okusinzira ku Poliisi, omusirikale waabwe yekobaanye n’abatuuze babiri (2) okubba ente biri (2) n’embuzzi emu (1) ku kyalo Kibambura mu disitulikiti y’e Buliisa nga beyambisa emmotoka ya Poliisi namba UP 5728 okwolekera Town Council y’e Buliisa okutunda okufuna ssente ezamangu.
Poliisi egamba nti abatuuze, basobodde okugitemyako ne basuula emisanvu mu kkubo nga bayambiko amaggye ga UPDF ku kitebe kye Wantembo, omusirikale nakwatibwa.
Okusinzira ku mwogezi wa Poliisi mu kitundu bya Albertine Julius Hakiza, omusirikale wadde amannya gasirikiddwa, ali mu kaduukulu ka Poliisi e Buliisa n’abatuuze babiri (2) era okunoonyereza kutandikiddewo.
