Omulamuzi wa kkooti enkulu mu disitulikiti y’e Luweero Anna Mugenyi asindiise ku kalabba abavubuka babiri (2) abakabinja ka B13 ababadde basukkiridde okutigomya abantu mu kitundu ekye Luweero. Abalindiridde okuwanikibwa ku kalabba kuliko Eric Kirya ne Ahamada Ssempala nga batuuze mu kibuga Luweero ku by’okutta omusirikale Geoffrey Bala n’okulumya musirikale omulala Sarah Achan. Ate bannabwe 7 […]
Omulamuzi wa kkooti enkulu mu disitulikiti y’e Luweero Anna Mugenyi asindiise ku kalabba abavubuka babiri (2) abakabinja ka B13 ababadde basukkiridde okutigomya abantu mu kitundu ekye Luweero.
Abalindiridde okuwanikibwa ku kalabba kuliko Eric Kirya ne Ahamada Ssempala nga batuuze mu kibuga Luweero ku by’okutta omusirikale Geoffrey Bala n’okulumya musirikale omulala Sarah Achan.
Ate bannabwe 7 bejjerezeddwa olwa Gavumenti okulemererwa okuleeta obujjulizi obuyinza okubalumiriza okuli Denis Ssebagala, Isma Mafabi, Francis Nsamba, Umar Sserugo, Jimmy Kafeero, Patrick Ssonko ne William Katongole nga bonna batuuze mu town council y’e Luweero.
Okusinzira ku ludda oluwaabi nga lukulembeddwamu Christine Nakayiza nga 1, April, 2015, abavubuka mu kabinja ka B13, batekateeka okulumba Poliisi y’e Luweero nga bakutte ebijjambiya ne batematema omusirikale Bala nattibwa mu bukambwe n’okulumya munne Achan era mu kkooti baleese abajjulizi abenjawulo omuli n’omusirikale Achan eyasimatukka okutibwa.
