Abatuuze mu bitundu bye Bulenga bawanjagidde omukulembeze w’eggwanga lino Yoweri Kaguta Museveni okuyamba okunyweza ebyokwerinda kuba abatemu abalina emmundu beyongedde mu ggwanga lino. Abatuuze okuva mu mbeera, kidiridde abakambwe b’emmundu okutemula Afande Kirumira Muhammad, eyali DPC wa Buyende n’omuwala eyategeerekeseeko erya Resty akawungeezi k’olunnaku olw’eggulo ku Lwomukaaga, bombi ne baddusibwa mu ddwaaliro e Lubaga nga […]
Abatuuze mu bitundu bye Bulenga bawanjagidde omukulembeze w’eggwanga lino Yoweri Kaguta Museveni okuyamba okunyweza ebyokwerinda kuba abatemu abalina emmundu beyongedde mu ggwanga lino.
Abatuuze okuva mu mbeera, kidiridde abakambwe b’emmundu okutemula Afande Kirumira Muhammad, eyali DPC wa Buyende n’omuwala eyategeerekeseeko erya Resty akawungeezi k’olunnaku olw’eggulo ku Lwomukaaga, bombi ne baddusibwa mu ddwaaliro e Lubaga nga bakyalimu akassa kyokka oluvannyuma bombi ne bassa ogw’enkomerero.
Museveni yatuuseeko mu kifo we battidde Kirumira abantu ne bamulaajanira nti “Pulezidenti abasajja abakambwe b’emmundu batutta batumalawo, mukama waffe tuyambe”.
Okusinzira ku batuuze, abaakubye Afande Kirumira baabadde ku bodaboda era baasoose kuwandagaza masasi mu bbanga mu ngeri ekanga abantu oluvannyuma ne bakuba mmotoka Kirumira mwe yabadde atambulira n’omuwala Resty nga bava ku mukolo gw’okwanjula e Nsangi ng’adda Bulenga mu maka ge.
Kigambibwa omuwala gwe basse ne Kirumira abadde mukwano gwa famire era naye abadde abeera Bulenga.
Olunnaku olw’eggulo, Pulezidenti Museveni yasobodde okutwala abamu ku batuuze abasobodde okulaba abazigu nga batemula Afande Kirumira, okuyambako mu kunoonyereza.
