Poliisi egenda kujjulira ku nsalawo y’omulamuzi Wilson Kwesiga owa kkooti enkulu mu Kampala ku ky’okusalawo okwejjereza abantu abaali bakwattiddwa ku by’okutta omukyala mu bitundu bye Ntebbe. Kinnajjukirwa nti sabiti ewedde ku lunnaku olwokuna nga 24, Janwali, 2019, Omulamuzi Kwesiga, yejjereza abantu 3 omuli omusuubuzi Ivan Katongole, Kizito Andrew n’omukyala Nabaggala Hellen abaali bakwattibwa ku by’okutta […]
Poliisi egenda kujjulira ku nsalawo y’omulamuzi Wilson Kwesiga owa kkooti enkulu mu Kampala ku ky’okusalawo okwejjereza abantu abaali bakwattiddwa ku by’okutta omukyala mu bitundu bye Ntebbe.
Kinnajjukirwa nti sabiti ewedde ku lunnaku olwokuna nga 24, Janwali, 2019, Omulamuzi Kwesiga, yejjereza abantu 3 omuli omusuubuzi Ivan Katongole, Kizito Andrew n’omukyala Nabaggala Hellen abaali bakwattibwa ku by’okutta omukyala Rose Nakimuli eyali omutuuze ku kyalo Kitala mu bitundu bye Entebbe mu disitulikiti y’e Wakiso 24, Julayi, 2017.
Mu kkooti, omulamuzi yategeeza nti abajjulizi bonna omusanvu (7) abaleetebwa, balemwa okumattiza kkooti nti abakwate benyigira mu kutta Nakimuli.
Omulamuzi Kwesiga era yavuluga ekitongole kya Poliisi okulemwa okunoonyereza obulungi ku by’okutta Nakimuli, kwe kuyimbula abantu abaali bakwattiddwa Poliisi.
Wabula omwogezi wa Poliisi mu ggwanga Fred Enanga agambye nti bagenda kujjulira kuba tebamatidde nansalawo y’omulamuzi Kwesiga. Enanga agamba nti Omulamuzi alina okutegeeza Poliisi ensobi zebakola mu kunoonyereza kwabwe.
