Poliisi erambuludde mu bujjuvu ku musajja eyattiddwa ku Mmande ekiro, Kabalagala ategerekeseko nga Mohammed ne banne babiri (2) bakwattiddwa poliisi y’e Kabalagala okuli Kalule Frank ne John Mbuyateyezibwe. Okusinzira ku mwogezi wa Poliisi mu Kampala n’emirirwano Patrick Onyango, Mohammed okuttibwa ne banne okwattibwa, benyigidde mu kunyakula ensawo y’omukyala Namusoke Najemba myaka 60 mu bitundu bye […]
Poliisi erambuludde mu bujjuvu ku musajja eyattiddwa ku Mmande ekiro, Kabalagala ategerekeseko nga Mohammed ne banne babiri (2) bakwattiddwa poliisi y’e Kabalagala okuli Kalule Frank ne John Mbuyateyezibwe.
Okusinzira ku mwogezi wa Poliisi mu Kampala n’emirirwano Patrick Onyango, Mohammed okuttibwa ne banne okwattibwa, benyigidde mu kunyakula ensawo y’omukyala Namusoke Najemba myaka 60 mu bitundu bye Kitende, Kajansi, akawungeezi k’olunnaku olwa Mmande, nga beyambisa emmotoka yabwe ekika kya premio namba UAW 694L.
Onyango agamba nti omukyala Namusoke yakubye enduulu era abasirikale baabwe ababadde balawuna, basobodde okulaba emmotoka kwekutandiika okugigoba.
Emmotooka yaduukidde mu bitundu ebyenjawulo okuli Entebbe – Kibuye, Salama Road, Ggaba Road, Bunga – Muyenga kyokka mu bitundu bye Kansanga, Poliisi yabazinzeeko ku ssaawa 2:30 z’ekiro.
Mu kuwanyisiganya amasasi, Mohammed yakubiddwa ekyavuddeko okufa kwe kyokka banne babiri (2) bakwattiddwa era bakuumibwa ku Poliisi y’e Kabalagala.
