Omubaka we Kyadondo East mu Palamenti Robert Kyagulanyi Ssentamu amanyikiddwa nga Bobi Wine avuddeyo ku nsonga za yunivaasite y’e makerere olwa basomesa okugaana okudda ku mirimu gyabwe okuva sabiti ewedde nga bawakanya ekya bakulu, okuyimiriza ssentebe w’ekibiina ekigata abasomesa ku yunivaasite eyo, ekya Makerere University Academic Staff Association (MUASA) Dr Deus Kamunyu Muhwezi. Bobi Wine […]
Omubaka we Kyadondo East mu Palamenti Robert Kyagulanyi Ssentamu amanyikiddwa nga Bobi Wine avuddeyo ku nsonga za yunivaasite y’e makerere olwa basomesa okugaana okudda ku mirimu gyabwe okuva sabiti ewedde nga bawakanya ekya bakulu, okuyimiriza ssentebe w’ekibiina ekigata abasomesa ku yunivaasite eyo, ekya Makerere University Academic Staff Association (MUASA) Dr Deus Kamunyu Muhwezi.
Bobi Wine agamba nti ekigenda mu maaso ku yunivaasite y’e Makerere, kiraga nti abakulu balemeddwa okuwereza eggwanga lyabwe ne badda mu kuwereza abakulembeze abali mu buyinza nga banoonya obugaanzi.
Agamba nti embeera eyo, eviriddeko abayizi obutasoma n’abazadde abanoonya ensimbi okusindiika okusoma, okugwaamu esuubi.
Bobi Wine, asobodde okweyambisa omutimbagano gwa ‘Face book’, okutegeeza nti enkyukakyuka mu bukulembeze bw’eggwanga lino, kye kigenda okuyamba okutebenkeza yunivaasite y’e Makerere n’okomyawo ekitiibwa kye Makerere.
Ku nsonga z’abasomesa okwediima, Bobi Wine akubiriza abasomesa okulemberamu okulwanirira eddembe lyabwe.
Mu lungereza, Bobi Wine agambye bwati, “It is only when we have taken our country back that we shall have institutions such as Makerere University serve the interests of the nation, as opposed to serving the regime in power or even interests of those who run them. The task is before us. I just want to express solidarity with the students, staff as well as their leaders and assure you of our support as you demand for your rights“.
