Poliisi etandiise okunoonyereza ekiviriddeko akabenje akasse abantu 10 ku luguudo lwa Jinja – Iganga ekkiro ekikeseza olunaku lwa leero ku Mmande n’okulumya abasukka 13. Akabenje kaguddewo ku ssaawa 6 n’ekitundu ez’ekiro, Kosita namba UAT 672Q ebadde etambuza Abalokole okuva mu kusaba mu kkanisa ya Synagogue Church of All Nations ewa Paasita Samuel Kakande e Bwaise […]
Poliisi etandiise okunoonyereza ekiviriddeko akabenje akasse abantu 10 ku luguudo lwa Jinja – Iganga ekkiro ekikeseza olunaku lwa leero ku Mmande n’okulumya abasukka 13.
Akabenje kaguddewo ku ssaawa 6 n’ekitundu ez’ekiro, Kosita namba UAT 672Q ebadde etambuza Abalokole okuva mu kusaba mu kkanisa ya Synagogue Church of All Nations ewa Paasita Samuel Kakande e Bwaise bweyingiridde kosita endala namba UAM 775 L ebadde eva mu bitundu bye Mbale.
Abamu ku bafudde kuliko Naikanga Kaisuka, 34, Godfrey Tigawalana, 27, Jessica Naigaga, 50, Evelyn Asiyo 45, Sulaina Namugabo 56, Muzafaru Ikoba 39, Sylivia Nakirija,50, Peter Bukisuba 2, Tony Buyinza 5 bonna batuuze ku kyalo Busei B mu ggoombolola y’e Nakalama mu disitulikiti y’e Iganga.
Abafunye ebisago babadde mu maziga olw’okumenyeka amaggulu, emikono, embirizzi n’okufuna ebiwuundu bingi ku bitundu by’omubiri omuli ku mutwe.
Wabula akola ng’akulira Poliisi y’ebiduuka mu bitundu bye East Busoga, Rogers Nandege agambye nti, okunoonyereza kwabwe kulaga nti kosita zombi, zibadde zidduka nnyo, ekivuddeko akabenje.
