Omuyimbi Daniel Kazibwe amanyikiddwa nga Ragga Dee ayitiddwa mu kkooti ya City Hall mu Kampala mu maaso g’omulamuzi Patrick Talisuna okwewozaako ku misango egyamuguddwako. Ekiragiro ekiyita Ragga Dee kyayisiddwa omulamuzi Talisuna era alina okweyanjula mu kkooti nga 15, March, 2019 ku musango gw’okuwogganyiza abatuuze b’e Kololo ebiddongo mu bbaala emanyiddwa nga Mikes Bar. Ragga Dee […]
Omuyimbi Daniel Kazibwe amanyikiddwa nga Ragga Dee ayitiddwa mu kkooti ya City Hall mu Kampala mu maaso g’omulamuzi Patrick Talisuna okwewozaako ku misango egyamuguddwako.
Ekiragiro ekiyita Ragga Dee kyayisiddwa omulamuzi Talisuna era alina okweyanjula mu kkooti nga 15, March, 2019 ku musango gw’okuwogganyiza abatuuze b’e Kololo ebiddongo mu bbaala emanyiddwa nga Mikes Bar.
Ragga Dee ayitiddwa ne manejja we bbaala (Mikes Bar) Ritah Nancy.
Okusinzira ku ludda oluwaabi, Ragga Dee ne Nancy nga 28, February, 2019 baamenya etteeka ly’ebiwoggana erya National Environment Noise Standards and Level Regulations (2003) era baakuba ebidongo nga biwoggana ne biremesa abatuuze okwebaka n’okweyagalira mu kitundu kyabwe, ekintu ekimenya amateeka.
