Mukyala Dr Kizza Besigye, Winnie Byanyima alabudde bannayuganda abalowooza nti bba, asemberedde okunyuka ebyobufuzi mu Uganda olw’abantu okutandiika okumulumbagana mu ngeri ezenjawulo. Ku mukutu ogwa Twitter, Jonah bw’abadde awayamu ne Byanyima agambye nti ab’ekisinde kya People Power balina ekirowoozo okulumbagana Dr Besigye omuli okumukolako effujjo, okumukyayisa ebyobufuzi mu Uganda, abiveemu, “The ideology of people power […]
Mukyala Dr Kizza Besigye, Winnie Byanyima alabudde bannayuganda abalowooza nti bba, asemberedde okunyuka ebyobufuzi mu Uganda olw’abantu okutandiika okumulumbagana mu ngeri ezenjawulo.
Ku mukutu ogwa Twitter, Jonah bw’abadde awayamu ne Byanyima agambye nti ab’ekisinde kya People Power balina ekirowoozo okulumbagana Dr Besigye omuli okumukolako effujjo, okumukyayisa ebyobufuzi mu Uganda, abiveemu, “The ideology of people power is that for them to succeed, Besigye should not exist. Attacking Besigye will probably force him to retire. That is the thinking on people power ranks“.
Mu Uganda, abamu ku bakulembeze mu kisinde kya People Power, bagamba nti Dr Besigye alemeseza enkyukakyuka mu ggwanga nga mu 2021, baagala awagire omubaka we Kyadondo East mu Palamenti Robert Kyagulanyi Ssentamu (Bobi Wine) ku bukulembeze bw’eggwanga kuba mu kiseera kino amusiinga nnyo obuwagizi.
Wabula Winnie Byanyima agambye nti bba Dr Besigye afunye okusomozebwa okwenjawulo era tasobola kuwumula byabufuzi kuba alina okulwanirira obwenkanya mu ggwanga.
Byanyima agambye nti wadde Besigye anyigiriziddwa mu ngeri ezenjawulo, tewali mbeera yonna mu Uganda eyinza kumusindikiriza kuwumula kuba asobodde okukiraga Bannayuganda, “Retire? From@fighting for justice? That’s a miscalculation. Like him or not, @kizzabesigye1 doesn’t give up on a just cause because he is attacked or because the journey is tough! Hasn’t he proved that?”.
