390SharesAbayizi ku Yunivasite y’e Makerere n’e Kyambogo bagamba nti ekisinde kya People Power okuwangula obukulembeze (Guild President) ku yunivasite zombi, kabonero akalaga nti omubaka we Kyadondo East mu Palamenti Robert Kyagulanyi Ssentamu (Bobi Wine) yawangudde Dr Kizza Besigye owa FDC ne Yoweri Kaguta Museveni owa NRM. Ku Yunivasite y’e Makerere, Julius Kateregga owa UYD eyajjidde […]
Abayizi ku Yunivasite y’e Makerere n’e Kyambogo bagamba nti ekisinde kya People Power okuwangula obukulembeze (Guild President) ku yunivasite zombi, kabonero akalaga nti omubaka we Kyadondo East mu Palamenti Robert Kyagulanyi Ssentamu (Bobi Wine) yawangudde Dr Kizza Besigye owa FDC ne Yoweri Kaguta Museveni owa NRM.
Ku Yunivasite y’e Makerere, Julius Kateregga owa UYD eyajjidde mu kisinde kya People Power, yawangudde obwa Guild President
Kateregga yafunye obululu 3,912 n’addirirwa Joshua Mukisa naye owa People Power (PP) n’obululu 3,365, Taliwako Andrew Julian (NRM) yafunye 1,465 ate Namuddu Milly owa FDC yakutte kyakuna n’obululu 1,298 n’abalala ne bagoberera.
Ku Yunivasite y’e Kyambogo, Tundulu Lithan Jonathan owa ‘People Power’ yamezze banne abalala 11 bwe baavuganyizza. Tundulu yafunye obululu 2,789 naddirirwa Juma Atto Sebbi owa FDC eyafunye 2,634, Kalulu Nicholas (talina kibiina) 1,489 ate Ahabwe Christian owa NRM yafunye 1133 n’abalala.
Abayizi bagamba nti People Power okuwangula mu ngeri bwetyo, kiraga nti Bobi Wine akulembera ekisinde ekyo, mu kiseera kino alina nnyo obuwagizi mu ggwanga n’okusingira ddala mu bavubuka, okusinga ku Dr Besigye owa FDC ne Pulezidenti Museveni owa NRM.
Mu mbeera eyo, abavubuka mu kisinde kya People Power balangiridde nti 2021 balina okukyusa obuyinza mu ggwanga, Bobi Wine okukwata mu ntebbe akulembere eggwanga kuba abavubuka bangi bamaliridde okulonda ku mulundi gunno.
