Poliisi ekutte Ronald Kabuliddo myaka 23 ku by’okutta muganzi Sylvia Nagujja myaka 16 ku Lwomukaaga ekkiro. Omulambo gwa Nagujja gwasangiddwa mu loogi ya Musey View ku kyalo Walumbe, town council y’e Kakira mu disitulikiti y’e Jinja, olunnaku olw’eggulo ku Ssande. Okusinzira ku mwogezi wa Poliisi mu bitundu bye Kiira, Diana Nandawula omulambo gwasangiddwako ebikuyiro mu […]
Poliisi ekutte Ronald Kabuliddo myaka 23 ku by’okutta muganzi Sylvia Nagujja myaka 16 ku Lwomukaaga ekkiro.
Omulambo gwa Nagujja gwasangiddwa mu loogi ya Musey View ku kyalo Walumbe, town council y’e Kakira mu disitulikiti y’e Jinja, olunnaku olw’eggulo ku Ssande.
Okusinzira ku mwogezi wa Poliisi mu bitundu bye Kiira, Diana Nandawula omulambo gwasangiddwako ebikuyiro mu ffeesi,obulago, emikono n’ekifuba ekiraga nti yatugiddwa era balinze alipoota y’abasawo.
Nandawula era agamba nti manejja wa Loogi, Jonathan Musene, alumiriza Kabuliddo okuyingira mu loogi ne Nagujja kyokka beewuunyiza okusanga omukyala ng’attiddwa ate ng’omusajja yaduuse.
Kabuliddo aguddwako gwa butemu era essaawa yonna bamutwala mu kkooti oluvanyuma nga Poliisi efundikidde okunoonyereza.
