Ekikangabwa kigudde mu Monisipaali y’e Hoima owa bodaboda bw’attiddwa mu bukambwe. Cleophas Byaruhanga yattiddwa, ng’abadde akolera ku siteegi ya Balma mu Divizoni y’e Kahoora. Okusinzira ku batuuze, Omugenzi yapangisiddwa akawungeezi k’olunnaku olw’eggulo ku Lwokubiri ku ssaawa ng’emu (1) abasajja babiri (2) okubatwala ku kyalo Nyamasoga mu ggoombolola y’e Buseruka. Abatuuze bagamba nti abasajja nga batuuse […]
Ekikangabwa kigudde mu Monisipaali y’e Hoima owa bodaboda bw’attiddwa mu bukambwe.
Cleophas Byaruhanga yattiddwa, ng’abadde akolera ku siteegi ya Balma mu Divizoni y’e Kahoora.
Okusinzira ku batuuze, Omugenzi yapangisiddwa akawungeezi k’olunnaku olw’eggulo ku Lwokubiri ku ssaawa ng’emu (1) abasajja babiri (2) okubatwala ku kyalo Nyamasoga mu ggoombolola y’e Buseruka.
Abatuuze bagamba nti abasajja nga batuuse ku kyalo Kayera, nga basemberedde okutuuka ku kyalo Nyamasoga, baamusabye okuyimirira era batandikiddewo okumukuba okutuusa lwe yafudde, omulambo gwe ne gusulibwa mu nsiko ne batwala bodaboda ekika kya Babaj namba UEU 722K
Wakati mu kiyongobero, abatuuze nga bakulembeddwamu Patrick Musiisi omuvuzi wa bodaboda, basabye ekitongole ekya Poliisi okuboongera obukuumi, okutangira abantu okubatta.
Omulambo gukwasiddwa famire enkya ya leero okutekateeka okuziika era okusinzira kw’akulira okunoonyereza ku kitebe kya Poliisi e Hoima, Ezra Isiko batandiise okunoonyereza abatemu bakwatibwe ku misango gy’okutta omuntu.
