Poliisi y’e Kotido eri mu kusamba nsiko, okunoonya omukyala eyasse Ssenga we mu kiro ekyakeseza ku Lwokubiri nga 14, May, 2019. Betty Achuka myaka 25 nga mutuuze ku kyalo Toroi Cell mu ggombolola y’e Kotido, yayigibwa ku by’okutta ssenga we Munyes Lobokongole nga yakubiddwa enkumbi ku mutwe. Omulambo gwa Lobokongole gwasangiddwa mu nju mu kitaba […]
Poliisi y’e Kotido eri mu kusamba nsiko, okunoonya omukyala eyasse Ssenga we mu kiro ekyakeseza ku Lwokubiri nga 14, May, 2019.
Betty Achuka myaka 25 nga mutuuze ku kyalo Toroi Cell mu ggombolola y’e Kotido, yayigibwa ku by’okutta ssenga we Munyes Lobokongole nga yakubiddwa enkumbi ku mutwe.
Omulambo gwa Lobokongole gwasangiddwa mu nju mu kitaba ky’omusaayi okumpi n’enkumbi eyamukubiddwa.
Okusinzira ku beng’anda z’omugenzi, Achuka yabakubidde essimu nti amaze okutta ssenga we kyokka teyawadde nsonga yonna.
Ku nsonga eyo, akulira okunoonyereza ku Poliisi y’e Kotido, Ronald Tumwesigye agambye nti famire egiddwaako sitetimenti era okunoonyereza kutandikiddewo ku ttemu eryo.
