Omutuunzi wa Chapati mu kibuga kye Mubende Lasuli Ngobi awangudde emmotoka mu Kampeyini ya Tukonectinge with Pepsi, eyateekebwawo Kampuni ya Crown Beverages, ekamula ssooda ow’ebika eby’enjawulo. Ngobi awangudde Kapyata ekika Toyota wish, era agambye nti ye mukyala we, baayingira mu kazannyo mu kusaaga kyokka okuwangula Airtime mu kusooka ne Mobile Money, kyabasindikiriza okweyongera okuzannya. Mungeri […]
Omutuunzi wa Chapati mu kibuga kye Mubende Lasuli Ngobi awangudde emmotoka mu Kampeyini ya Tukonectinge with Pepsi, eyateekebwawo Kampuni ya Crown Beverages, ekamula ssooda ow’ebika eby’enjawulo.
Ngobi awangudde Kapyata ekika Toyota wish, era agambye nti ye mukyala we, baayingira mu kazannyo mu kusaaga kyokka okuwangula Airtime mu kusooka ne Mobile Money, kyabasindikiriza okweyongera okuzannya.
Mungeri y’emu agambye nti asobodde okweyambisa ekisiibo okusibulula abayisiramu kyokka ssooda gw’abadde abagulira, abadde asigaza chokolo n’ekigendererwa eky’okusindiika ‘Code’ ne mukyala we ku 7888.
Ngobi agamba nti omulimu gwe, abadde talina ssuubi kwetusaako mmotoka kyokka Pepsi esobodde okugimutusaako.
Ku mukolo gw’okumukwasa emmotoka mu kibuga Mubende, Allan Bob Mbabazi, kituunzi mu Kampuni ya Crown Beverages Limited, agambye nti kampeyini ya Tukonectinge, egendereddwamu okudiza ku bakasitoma baabwe nga bawangula ebirabo eby’enjawulo.
Kampeyini ya Tukonectinge bukya atandiika ku mmotoka 25 eza Toyota Wish, bakawangulako emmotoka 10, ku bantu 24 abeetagibwa okutwalibwa mu kibuga Dubai okulya obulamu, bakafuna abawanguzi 18, ku Fridges 24, 6 zebakawangulako, bangi bawangudde Airtime, Mobile Money n’ebirabo ebirala.
Mbabazi agamba nti emmotoka eya 25 yakuweebwa omuntu anasinga okusindika Code nga yetaaga okuwangula.
Kampeyini eya Tukonectinge yatandiika omwezi ogw’okuna era yakomekerezebwa mu mwezi ogwomusanvu omwaka guno.
