Ekikangabwa kibutikidde abatuuze ku kyalo Nyabubare mu ggombolola y’e Bwambara mu disitulikiti y’e Rukungiri, omuwala atemera mu gy’obukulu 26 bw’asaliddwako obulago muganzi we Tushabomwe Ivan. Omulambo gwa Kyomuhangi Scovia gusangiddwa mu kitaba ky’omusaayi mu kazigo mwabadde asula, ekitabudde abatuuze era Poliisi egenze okunoonyereza, kwekuzuula ejjambiya nga yonna ejjudde omusaayi, engoye za Tushabomwe omuli empale ne […]
Ekikangabwa kibutikidde abatuuze ku kyalo Nyabubare mu ggombolola y’e Bwambara mu disitulikiti y’e Rukungiri, omuwala atemera mu gy’obukulu 26 bw’asaliddwako obulago muganzi we Tushabomwe Ivan.
Omulambo gwa Kyomuhangi Scovia gusangiddwa mu kitaba ky’omusaayi mu kazigo mwabadde asula, ekitabudde abatuuze era Poliisi egenze okunoonyereza, kwekuzuula ejjambiya nga yonna ejjudde omusaayi, engoye za Tushabomwe omuli empale ne ssaati era byonna bisangiddwa mu kazigo.
Okusinzira ku mwogezi wa Poliisi mu bitundu bye Kigezi, Elly Maate, omulenzi Tushabomwe akwattiddwa era asangiddwa ku kyalo Nyarushanje.
Poliisi egamba nti omulenzi abadde alumirizza Kyomuhangi obwenzi era y’emu ku nsonga lwaki amusse.
Omulambo gutwaliddwa mu ddwaaliro erya Rwakabengo Health Center ey’okusatu okwekebejjebwa.
