Entiisa ebutikidde abatuuze be Omwitaba cell mu ggombolola y’e Ruhinda mu disitulikiti y’e Rukungiri, mutuuze munaabwe Allen Komuhangi myaka 30 batemeddwako ebisso era omulambo gwe gusangiddwa mu kitaba kya musaayi ku ssaawa nga 5 ez’okumakya. Okusinzira ku batuuze, Komuhangi ku ssaawa 4 ez’okumakya agenze mu nimiro okunoga emwanyi mu kibanja, ekyamuweebwa abazadde nga tebanafa kyokka […]
Entiisa ebutikidde abatuuze be Omwitaba cell mu ggombolola y’e Ruhinda mu disitulikiti y’e Rukungiri, mutuuze munaabwe Allen Komuhangi myaka 30 batemeddwako ebisso era omulambo gwe gusangiddwa mu kitaba kya musaayi ku ssaawa nga 5 ez’okumakya.
Okusinzira ku batuuze, Komuhangi ku ssaawa 4 ez’okumakya agenze mu nimiro okunoga emwanyi mu kibanja, ekyamuweebwa abazadde nga tebanafa kyokka abadde yakatandika, muto we Cleophas Twinomujuni myaka 25 kwekumulumba namutematema okutuuka lwa amuse.
Abatuuze webatuukidde, ng’omugenzi atemeddwa ejjambiya mu bulago ssaako n’emikono ng’omutemu, amazze okuduuka.
Elly Maate, omwogezi wa Poliisi mu bitundu bye Kigezi agambye nti Twinomujuni aguddwako emisango gy’obutemu era wadde aliira ku nsiko mu kiseera kino, Poliisi etandikiddewo omuyiggo.
Mungeri y’emu agambye nti omugenzi ne muto we, baludde nga balina obutakaanya ku ttaka nga buli omu alikayanira.
Eddoboozi lya Maate
