Poliisi, etandiise okunoonyereza ekivuddeko omusibe okufa. Omusibe Naturinda Adios myaka 30 abadde omutuuze ku kyalo Bunono cell mu ggombolola y’e Nyarushanje mu disitulikiti y’e Rukungiri abadde yakwattiddwa ku misango gy’okutta omuntu, nga 22, omwezi oguwedde Ogwokubiri. Okusinzira ku mwogezi wa Poliisi mu bitundu bye Kigezi Elly Maate, akawungeezi k’olunnaku olw’eggulo ku Mmande, omusibe Naturinda obwedda […]
Poliisi, etandiise okunoonyereza ekivuddeko omusibe okufa.
Omusibe Naturinda Adios myaka 30 abadde omutuuze ku kyalo Bunono cell mu ggombolola y’e Nyarushanje mu disitulikiti y’e Rukungiri abadde yakwattiddwa ku misango gy’okutta omuntu, nga 22, omwezi oguwedde Ogwokubiri.
Okusinzira ku mwogezi wa Poliisi mu bitundu bye Kigezi Elly Maate, akawungeezi k’olunnaku olw’eggulo ku Mmande, omusibe Naturinda obwedda ayogera ebitakwatagana era kiteeberezebwa yabadde atabuse omutwe.
Maate agamba nti Naturinda yatwaliddwa mu ddwaaliro erya Rwamahwa health center 4 (eyokuna) era yafudde yakatusibwayo.
Mu kiseera kino, Poliisi eri mu ntekateeka okutwala omulambo mu ddwaaliro erya Rwakabengo health center 3 (ey’okusatu) okwekebejjebwa, okuzuula ekituufu ekyavuddeko okufa kwe.
