Poliisi y’e Kireka mu Monisipaali y’e Kiira ekutte omusirikale ku misango gy’okwagala okutta omuntu. ‘Police constable’ Sam Obotoro yakwattiddwa ku misango gy’okwagala okutta atwala ebyokwerinda mu Zzooni y’e Kamuli, Paul Mbogo ku ssaawa nga 3 ez’ekiro. Okusinzira kw’amyuka omwogezi wa Poliisi mu Kampala n’emirirwano, Luke Oweyesigyire, Mbogo yasaanze omusirikale Obotoro ng’atambula yekka obudde obw’ekiro ate […]
Poliisi y’e Kireka mu Monisipaali y’e Kiira ekutte omusirikale ku misango gy’okwagala okutta omuntu.
‘Police constable’ Sam Obotoro yakwattiddwa ku misango gy’okwagala okutta atwala ebyokwerinda mu Zzooni y’e Kamuli, Paul Mbogo ku ssaawa nga 3 ez’ekiro.
Okusinzira kw’amyuka omwogezi wa Poliisi mu Kampala n’emirirwano, Luke Oweyesigyire, Mbogo yasaanze omusirikale Obotoro ng’atambula yekka obudde obw’ekiro ate mu ssaawa za kafyu ate ng’alina emmundu.
Agamba nti Mbogo yekengedde omusirikale okuba omu ku babbi abatigomya abatuuze, kwekumusaba ebiwandiiko bye, ebiraga nti musirikale, ekyavuddeko okusika omuguwa.
Wakati mu kwesika amataayi, omusirikale yakubye Mbogo essasi mu kigere.
Mu kiseera kino, Poliisi y’e Kireka eyingidde mu nsonga okunoonyereza ng’omusirikale waabwe akwattiddwa ate Mbogo ali mu ddwaaliro e Ggwatiro, afuna bujanjabi.
Poliisi agamba nti omusirikale yabadde agenda ku mulimu nga buli kiro, aliko amaka gy’agenda okukuuma.
