Poliisi erinnye ggere mu lukungaana olwayitiddwa abategesi b’ebivvulu Abbey Musinguzi ssaako ne Andrew Mukasa. Musinguzi owa Abitex promotions ne Mukasa owa Bajjo events, bayise abayimbi, bannakatemba ssaako n’abatekateeka ebivvulu, okutema empenda ku ngeri y’okusaba omukulembeze w’eggwanga Yoweri Kaguta Museveni, okubakkiriza okuddamu okutekateeka ebivvulu. Olukungaana, lwayitiddwa ku Calendar Prestige Hotel e Makindye kyokka abamu bagenze okutuuka […]
Poliisi erinnye ggere mu lukungaana olwayitiddwa abategesi b’ebivvulu Abbey Musinguzi ssaako ne Andrew Mukasa.
Musinguzi owa Abitex promotions ne Mukasa owa Bajjo events, bayise abayimbi, bannakatemba ssaako n’abatekateeka ebivvulu, okutema empenda ku ngeri y’okusaba omukulembeze w’eggwanga Yoweri Kaguta Museveni, okubakkiriza okuddamu okutekateeka ebivvulu.
Olukungaana, lwayitiddwa ku Calendar Prestige Hotel e Makindye kyokka abamu bagenze okutuuka nga Poliisi, ekifo ekizinzeeko, okubalemesa okung’aana kuba kiyinza okutambuza obulwadde.
Balaam Ddamulira owa Jojo events, Jjuuko Derro owa Deo Promoter n’abalala, bagamba nti ng’omukulembeze w’eggwanga we yakkirizza abasuubuzi mu Kikuubo okuddamu okutambuza emirimu, kekaseera okubakkiriza okuddamu okutekateeka ebivvulu wabula nga bateeka mu nkola, engeri zonna ez’okutangira okutambuza obulwadde bwa Covid-19.
Musinguzi amanyikiddwa nga Abitex bagamba nti embeera embi era ekigenda mu maaso mu Kikuubo, kiraga nti nabo, basobola bulungi okuddamu okutekateeka ebivvulu.
Bbo abayimbi ne bannakatemba abamu bagambye nti bakooye embeera embi era ye ssaawa Gavumenti okubakkiriza okuddamu okutekateeka ebivvulu.
Luke Owoyesigyire, amyuka omwogezi wa Poliisi mu Kampala n’emirirwano, agambye nti olukungaana terubadde mateeka nga baalemeddwa okutegeeza ku Poliisi nga n’embeera egenda mu maaso mu ggwanga, ey’okutangira Covid-19, tebasobola kubakkiriza kung’aana.
Eddoboozi lya Abtex
